東網電視
更多新聞短片
(馬賽官網)
今季在馬賽重生嘅前曼聯天才前鋒格連活特，據報已決定選擇代表牙買加國家隊，只差最後手續就完成「轉籍」，可以代表牙買加出戰國際賽。
格連活特曾代表英格蘭1次，不過佢當時未滿21歲，因此仍保留「轉籍」選擇代表牙買加機會，佢牙買加身份來自母親，佢外公同外婆在牙買加出生，因此格連活特可以代表牙買加上陣。
據報格連活特已放棄等待英格蘭杜曹徵召機會，決定改投牙買加，並獲英格蘭足總批准，現時牙買加尚欠一份文件才完成手續，不過由於手續需時，格連活特可能無法趕及今年3月國際賽檔期上陣，要再等下次國際賽賽期。
23歲嘅格連活特因為在效力曼聯期間被爆向女友家暴，引起曼聯球迷公憤而遭球會踢出名單，後來雖然已獲女友原諒及復合，但球迷唔肯放過佢，最終離隊轉投馬賽，今季上陣20場入13球4助攻，數據遠勝曼聯任何一名前鋒。
