東網電視
更多新聞短片
新一季中國各級聯賽下月底陸續展開，其中重返中超河南酒祖杜康的港將周緣德（Oli），月初離港前抽空接受本報訪問，除回顧去季的得與失外，又提早向球迷拜個早年：「感激你哋上年由亞洲盃去到東亞錦，對港隊同我嘅無條件支持。祝願各位球迷新年快樂，有個愉快假期，𢭃多啲利是！」■圖、文：李浚湣（部分相片受訪者提供）
周緣德（右）在亞洲盃踢出好表現。（資料圖片）
現年26歲的後衞周緣德，去年可謂經歷高低起伏，1月先隨港隊出戰亞洲盃，3戰全部踢足，憑着出色表現，2月離開傑志轉戰中超河南酒祖杜康。回想當時突然離港，他坦言有點難過：「自己好鍾意喺香港生活，同傑志職球員關係都好好。不過我知道今次係一個千載難逢機會，因為嗰陣只係得一、兩位香港球員踢緊中超。」
周緣德在河南上陣機會不多。（受訪者提供）
然而，Oli北上後發展未如預期，半季只曾上陣4次，他承認當時難免灰心：「一開始好興奮，第二場正選仲入埋波，但之後突然淪為後備，嗰陣有啲唔開心。自己都明白唔係教練首選，所以決定尋求外借，因為我嚟到中國唔係為咗錢，我好想比賽同證明自己。」最終Oli下半季被外借至中甲大連英博，他解釋道：「當時其實想繼續留喺中超，但球隊唔希望借我畀其他競爭對手，結果就去左爭升班嘅大連。」
周緣德下半季外借至中甲球隊大連英博。（受訪者提供）
Oli加盟大連英博後再面對另一難題，由於中甲沒有正式國際賽期，惟當時卻多次撞正港隊友賽，令這名外流港將處境尷尬：「上年有好多港隊比賽，教練對我缺陣都有啲埋怨。但知道港隊啱啱換咗新教練，我都要透過友賽爭取表現，唔係嘅話好難喺正式比賽上陣，最後傾咗好耐，球隊先肯放人。」大連英博最後成功升班，Oli笑言屬於自己最難忘時刻：「上年9月我去咗踢斐濟三角賽，球隊只係1和1負，自己返到嚟後嘅兩場波都贏唔到，去到最後一場我哋贏波，而廣州隊輸波，先可以反超佢哋。」
周緣德最難忘助大連升班。（受訪者提供）
由大學到職業生涯，包括效力傑志時，Oli一直屬球隊常規正選，惟上季北上發展卻首嘗「坐多過踢」滋味。總結過去一季，他認為心態成長不少：「上季好多場都冇參與，同以前間唔中冇踢一兩場，完全係兩回事。我都質疑過外流決定，好彩冇放棄，不斷鼓勵自己努力訓練，等機會嚟。」Oli目前已返回河南酒祖杜康參與季前集訓，他希望新季可爭取到穩定上陣機會，兼在港隊繼續交出好表現。
周緣德（右）盼來季可在河南爭取更多上陣機會。（受訪者提供）
【周緣德檔案】
出生日期：1998年12月12日（26歲）
司職：後衞 身高：1米86
曾效力球隊（只列部分）：皇家蔚藍（台甲）、卡羅萊納海岸公雞（NCAA D1）、維珍尼亞騎士（NCAA D1）、傑志、大連英博（中甲）
現效力球隊：河南酒祖杜康（中超）
周緣德（左）與另一港將茹子楠正在內地球壇努力打拼。（受訪者提供）
鼓勵年輕港將北上發展
連同早前轉戰中甲的余在言及吳宇㬢，目前在內地發展的港將愈來愈多，Oli樂見這個現象，又預期會成為大趨勢：「首先我認為港超前列分子同中甲球隊實力差距唔大，同埋『俊樂』（陳俊樂）、Matt（安永佳）、Shinichi（陳晉一）、『茹子』（茹子楠）等，已經令港將得到內地球會嘅信任。」他不忘鼓勵本地年輕球員嘗試北上發展：「中國足球更加專業，好似訓練基地等，同埋你要喺一個新地方獨自生活，教練又會對你更有要求。場內場外會學到好多嘢，大家見到外流球員返到代表隊，都有明顯進步。」
蛇年願望「識整番兩味」
周緣德祝大家蛇年快樂！（李浚湣攝）
回想以往農曆新年，Oli指慣常與家人度過：「細個新年通常留喺台北，同屋企人打邊爐，自己好鍾意𢭃利是，但人大咗冇咩所謂。仲有我超愛食年糕，不過蘿蔔糕就麻麻。」Oli又提到蛇年願望：「新一年想試多啲下廚，唔只係意粉、飯同蛋呢啲簡單嘢，同埋學識沖咖啡。因為飲食上我有啲要求，又想食得健康啲，雖然內地食物冇想像中咁差，都有好多選擇，但就比較油膩。」
