東網電視
更多新聞短片
柏德列多古(左)及艾頓希雲(右)亮相奧脫福球場，同球迷見面。(Getty Images)
曼聯上場英超主場對水晶宮開波前，特別安排2位新加盟球員柏德列多古、艾頓希雲亮相奧脫福球場，同球迷見面。以3,500萬歐元(約2.8億港元)轉會費由萊切加盟嘅左翼衞柏德列多古獲得13號球衣，球迷希望呢位20歲丹麥國腳可以好似昔日身穿13號波衫嘅朴智星，不惜氣力為紅魔鬼搏盡。
曼聯技術總監韋確斯對多古讚不絕口：「多古係1位令人振奮嘅天才球員，佢攻守兼備，工作效率高，將成為領隊魯賓艾摩廉麾下重要一員，加上佢只係20歲，仍然會進步。」
至於18歲中堅艾頓希雲由阿仙奴青年軍來投，簽約4年半，獲得26號球衣，估計會先踢青年軍賽事。
