東網電視
更多新聞短片
莉雯被譽為最性感女子足球員。
被譽為最性感女足球員嘅瑞士國腳莉雯，去年夏天同男友杜格拉斯雷斯一齊加盟祖雲達斯，不過莉雯嘅發展就掂過男友多多聲，最近更做埋意大利內衣品牌代言人，撈到風生水起！
莉雯同巴西球星杜格拉斯雷斯2021年開始拍拖，當時兩人效力阿士東維拉男女隊，季前亦「情侶檔」轉會祖雲達斯，可惜杜格拉斯雷斯未受重用，今季意甲只踢過3次正選，而莉雯代表祖雲達斯女足踢13場聯賽，就有2入波同1助攻。
球場之外，擁有天使面孔同魔鬼身材嘅莉雯亦獲垂青，最近為意大利內衣品牌Tezenis擔任代言人，日前佢喺社交網展示多套內衣造型照片，留言：「同Tezenis過嘅第一個情人節！」
