東網電視
更多新聞短片
費倫托利斯今場「戴帽」。(Getty Images)
周五(7日)凌晨西盃8強，巴塞隆拿作客5比0大炒華倫西亞輕鬆晉級。西盃4強出爐，巴塞隆拿、皇家馬德里、馬德里體育會同皇家蘇斯達組夢幻戲碼，對上一次巴塞同馬德里雙雄同時入西盃4強，已經係2014年，今屆冠軍爭逐肯定刺激。
巴塞上星期曾喺聯賽7比1狂數華倫，今場雖然作客一樣照攻，費倫托利斯喺頭30分鐘就連中三元，加上費明盧比斯入波半場領先4比0。換邊後巴塞放慢步伐，仍然有拉明耶馬59分鐘「埋齋」，最終贏5比0晉級，近19屆西盃第15次殺入4強。
巴塞教練費歷克賽後表示：「我為球隊表現開心，我哋製造好多機會亦把握到，永遠想爭取下一個入球係巴塞嘅風格，當我哋進入節奏，以呢班年輕球員嘅作風，我哋係會盡量爭取最多嘅入波！」
