東網電視
更多新聞短片
奧比馬田前途無限。
英格蘭前鋒拉舒福特曾被視為曼聯青訓Icon，不過佢嘅表現每況愈下，冬季轉會窗更被外借去阿士東維拉。曼聯冇咗「福仔」後，青年軍又爆出最強前鋒，人氣新星奧比馬田周四(13日)喺U18英足盃大演帽子戲法後，做出拉舒福特嘅招牌慶祝動作，似乎想話畀大家聽佢準備接班！
曼聯上年喺阿仙奴青年軍挖走「怪物級」新人奧比馬田，呢位17歲丹麥前鋒破晒青年軍入球紀錄，轉會曼聯被睇好短期內升上一隊，周四U18英足盃對車路士，奧比馬田個人連中三元，帶領曼聯U18殺入8強，將會同舊東家阿仙奴U18對壘。
奧比馬田今場入波後，更做出拉舒福特招牌「手指指頭」動作，並且喺IG留言話：「愛呢間球會」，成功俘虜曼聯球迷嘅心。曼聯今個冬天冇買前鋒，海倫、約舒亞舒克斯亦未受重用，奧比馬田有機會喺今季被提拔上一隊比賽。
