東網電視
更多新聞短片
基利安麥巴比(右)自上年9月後，就冇入選法國隊。(Getty Images)
皇馬射手基利安麥巴比同法國主帥迪甘斯冰釋前嫌，將會重返國家隊，根據迪甘斯透露，呢位26歲前鋒肯定會入選大軍名單，出戰3月歐國聯8強兩回合對克羅地亞。
基利安麥巴比自上年9月之後，就冇入選法國隊，盛傳佢因為今季加盟皇馬，想專注球會賽事，拒絕為國披甲，引起迪甘斯不滿。不過，迪甘斯近日接受傳媒訪問時表示「麥總」將會入選3月名單：「麥巴比之前2次國際賽冇入選係有特殊原因，如果佢狀態良好就會入選，並會喺3月賽事繼續擔任隊長。」
迪甘斯今年1月親口證實，將於2026年世界盃決賽周結束後約滿離任，為擔任14年法國領隊生涯畫上句號，佢最新透露，前皇馬主帥施丹應該會接手執教法國隊。
