東網電視
更多新聞短片
安東尼喺西甲獲得重生。
巴西翼鋒安東尼馬菲奧斯，冬季轉會窗由曼聯外借貝迪斯後，表現脫胎換骨踢出「1億」身價。雖然安東尼只係借將身份，但佢就表明希望長留貝迪斯，自稱嚟到西班牙後「朝朝都笑醒」！
安東尼接受《阿斯報》訪問表示：「我喺曼聯過得好好，感恩贏過2個冠軍，但我話喺呢度搵番自己，因為我好開心，呢度好似巴西，陽光亦好有幫助，依家我每朝瞓醒都帶住笑容，呢一點非常重要。我喺貝迪斯有好多朋友，令我可以保持平靜，加盟貝迪斯絕對係最佳決定，我希望可以一直維持落去。」
安東尼今次借用合約並冇任何買斷條款，貝迪斯亦要承擔佢20萬鎊周薪入面超過8成嘅人工，如果貝迪斯要將佢買斷，會喺財政一大負擔。曼聯3年前用1億歐元向阿積士買入安東尼，球會已經做好「蝕讓」打算。
