东网电视
更多新闻短片
英超曼城主场硬撼利物浦。
1/2
英超压轴好戏爆发“蓝红大战”，曼城主场硬撼利物浦。曼城上周中欧联附加赛行人止步，争前4成为馀下重要目标；“红军”连场失分后，为保优势不容再失，作客照样驳火，3.5球入球大咪错过。（Now 621及611周一凌晨零时30分直播）
曼城今季跌落近年来前所未有嘅谷底，欧联附加赛次回合作客皇马，两大主力艾宁夏兰特及奇云迪布尼全场坐冷板下，再输1比3出局。似乎主帅哥迪奥拿亦面对现实，明知唔够砌，宁愿留力争联赛前4仲实际。虽然夏兰特今仗未知能否赶及披甲，但仲有上轮联赛“戴帽”嘅马莫殊助阵，攻力仍有保证。
当然“蓝月亮”问题多多，今季冇咗洛迪卡斯简迪呢位世界级防中，连带防线亦全面崩溃，单计联赛25轮就失咗35粒，反映出未能似以往咁控制比赛，攻守失衡下，失波自然出现，单计近6场联赛全开4球或以上，惟有以攻代守。
近年畀曼城压住嘅利物浦今季重返巅峰，联赛长踞榜首，英联杯杀入决赛，欧联亦勇闯16强。不过多线作战下问题开始浮现，先喺英足杯遭英冠仔普利茅夫踢出局，近3场联赛亦只得1胜2和，当中赢狼队嗰场，早早领先两粒下，下半场竟然畀狼队围攻搞到零射门中龙，几经辛苦先守住2比1胜局，板櫈深度不足令球员疲态毕露。
利物浦季初固若金汤嘅防守，嚟到季中亦出现漏洞，近9场只有2场冇失波，合共失咗11粒，好彩王牌穆罕默德沙拿持续勇态，用入波同助攻撑住战绩。未计今轮“红军”踢多1场下领先阿仙奴8分，有乜闪失随时进一步被追贴，一定同曼城死过，斗攻格局实多波入。
更多赔率：
