东网电视
更多新闻短片
汤马士苏锡克30岁生日收大礼。(Getty Images)
周五(28日)凌晨英超赛事，韦斯咸喺主场2比0轻松击败李斯特城，进一步逃离降班漩涡。捷克中场汤马士苏锡克今场先开纪录，庆祝佢30岁生日之馀，仲打造英超“另类纪录”。
韦斯咸今场围攻李斯特城，21分钟门前混战，今场30岁生日嘅汤马士苏锡克龙门口“执鸡”领先；43分钟客队中坚维斯达加特摆乌龙，令韦斯咸顺利赢2比0完场。
汤马士苏锡克喺3年前27岁生日正日，亦喺对狼队一箭定江山，系英超史上第2个两次喺生日入波嘅球员，追平舒宁咸喺1994年同1995年创下嘅“生日纪录”。
汤马士苏锡克赛后表示：“好正嘅生日！我只系想赢波，入埋波就更加好，呢份系好好嘅礼物。唔好忘记艾路拿嘅‘零封’，我哋依家可以庆祝。”门将艾路拿系今场另一“寿星公”，佢今场度过32岁生日。
