東網電視
更多新聞短片
占士查科特(右)成為曼聯收購目標。(Getty Images)
根據英國媒體《Givemesport》爆料，曼聯主帥魯賓艾摩廉有意今夏簽入門將，取代水準不穩嘅奧拿拿，目標包括英冠球隊般尼門將占士查科特。
據悉曼聯上年夏天已經睇中占士查科特，計劃將呢位22歲英格蘭新星收歸旗下，但最終未能成事。艾摩廉考慮到奧拿拿表現難以令人信任，加上副選門將比恩迪亞好可能今夏離隊，認為有需要簽入新門將，並將再次斟介占士查科特。
值得一提，占士查科特出身於曼城青年軍，但升上一隊後未曾上陣，2023年正式轉投般尼。由於紐卡素都睇中呢位身高1米97嘅鋼門，紅魔鬼要搶人並非易事。
因此，艾摩廉已有兩手準備，一旦收購占士查科特失敗，就會轉移目標，爭取簽入波圖門將迪奧高哥斯達，25歲葡萄牙國腳勝在同艾摩廉屬於同胞，大家同聲同氣，有利合作。
