东网电视
更多新闻短片
鲁宾艾摩廉(右)欣赏球迷对球队不离不弃。(Getty Images)
曼联由鲁宾艾摩廉接手执教之后，成绩比前主帅坦哈格更差，呢位40岁葡萄牙名帅接受传媒访问时表示，唔少红魔鬼球迷都话佢教得唔错，自己都感到费解。
鲁宾艾摩廉话：“曼联球迷最经常同我讲嘅一句说话就系‘你现时做得唔错’，我都唔明白点解佢哋咁讲，但我欣赏佢哋支持球队嘅方式，即使输波，仍然对球队不离不弃。”曼联近4场联赛仅1胜1和2负，已跌至第15位，早前卫冕英足杯失败，表现备受传媒批评，反而本土球迷比较“宽容”，仍然力撑艾摩廉。
曼联将于周一(10日)凌晨英超主场对阿仙奴，如果再输1场，唔知红魔鬼球迷仲接唔接受得到呢？
