東網電視
更多新聞短片
卡斯米路只剩下1年合約。(Getty Images)
曼聯上年夏天已準備出售「打工皇帝」卡斯米路，但搵唔到買家，焗住留用呢位33歲巴西老將，拖慢球會削減開支進度。幸好現時見到曙光，根據美國媒體《Sportskeeda》爆料，AC米蘭有意今夏簽入卡斯米路，但佢一旦轉戰意甲，將需要大幅減薪。
卡斯米路現時周薪高達37.5萬鎊(約375萬港元)，屬於曼聯最高薪球員，但近年水準每況愈下，踢唔出應有身價，今季總共上陣1,854分鐘入3球，並冇助攻。最大問題係呢位防守中場不時出現甩漏，導致失波，經常遭到批評，卡斯米路亦意興闌珊想走人，但轉投其他球會，難以獲得現時人工，令佢猶豫不決，除非去沙特阿拉伯搵食。
AC米蘭邀請卡斯米路加盟，成為佢最新出路，由於佢只剩下1年合約，曼聯難以吊高來賣，估計1,000萬鎊轉會費就可以成交，依家就睇卡斯米路願唔願意減人工。近年有多位曼聯球員轉投意甲球隊後，有不俗表現，如果卡斯米路想令事業重生，難免需要犧牲部分收入。
