東網電視
更多新聞短片
丹般恩首次入選國家隊。(Getty Images)
今期英格蘭點兵，除咗最矚目嘅拉舒福特重返國家隊，仲有位「夕陽戰士」上演逆襲好戲，紐卡素後衞丹般恩以年屆32歲之齡首次入選「三獅兵團」，初次體驗國際賽滋味。
丹般恩係紐卡素青訓出身，在低組別球隊起步，踢過多支低組別球隊，直至2022年重返紐卡素至今，逐漸成為「喜鵲」防線領軍人物，據報杜曹對佢非常欣賞，55人初選名單已經有佢，到今次決選名單，杜曹將佢加入其中。
「燃燒哥」可踢多個位置，左中場、左閘同中堅都掂，今季已為紐卡素上陣35場，嚟緊英聯盃決賽對利物浦，佢都會係防線關鍵人物。
