东网电视
更多新闻短片
上年因为不满冇得做队长，宣布退出比利时嘅泰拔高图尔斯，近日回归国家队引发争议，代替佢打正选嘅门将卡斯迪尔斯更愤而退出国家队。高图尔斯周二(18日)喺记者会大反击，批评卡斯迪尔斯抹黑，而中场泰利文斯亦撑高图尔斯，讽刺卡斯迪尔斯系“搞屎棍”。
高图尔斯表示：“我明白卡斯迪尔斯，因为佢本身系正选，但依家我返咗嚟。比利时足总由第1日已经想我返嚟，我只系决定再次接纳，唔存在咩自出自入问题。至于佢话仲有其他不满，我唔知佢讲咩，但如果你想指控人，我谂应该要讲清楚个问题喺边。”
阿士东维拉中场泰利文斯，亦选择撑高图尔斯：“我哋唔需要卡斯迪尔斯喺呢个情况下‘放炸弹’，球员之间当然有讨论过，最重要系高图尔斯已经向队友解释清楚。”卡斯迪尔斯上星期批评高图尔斯可以随便选择系咪代表比利时，指足总处事不公，所以决定唔再为国家队效力。
