東網電視
更多新聞短片
英格蘭積極備戰兩場世盃外。
英格蘭國家隊展開「杜曹時代」，周六(22日)凌晨第1擊將喺主場迎戰阿爾巴尼亞，足總周二(18日)證實高爾彭馬因傷退隊，不過訓練嘅球員就有增無減，事關杜曹提拔3位U21國腳跟一隊練習，陪練之餘順便視察幾位明日之星嘅實力。
前鋒利安戴納、中場禾頓同中堅哈活比里斯今次國際賽期獲U21徵召，不過近日就被叫去同大國腳練習，杜曹早前已補選基比斯韋特代替高爾彭馬，目前大軍有26名球員，所以今次「提升」並唔係出於人手問題，更大原因係杜曹想親自考察「3小獅」嘅能力。
效力葉士域治嘅前鋒利安戴納，今季英超已入10球表現搶鏡，而水晶宮中場禾頓同修咸頓中堅哈活比里斯，已經有代表英格蘭大國腳上陣紀錄，其中禾頓今季曾經歷重傷長抖，預計當佢回復狀態，好有機會再次入選英格蘭大軍。
