東網電視
更多新聞短片
拿達路馬天尼斯日前都有出席賽前記者會。(Getty Images)
阿根廷將喺世盃外南美洲區對烏拉圭同巴西，不過近期就不斷出現傷兵消息，繼「球王」美斯受傷退隊後，另一星級前鋒拿達路馬天尼斯亦因大腿受傷提前離開集訓營，大大削弱球隊實力。
拿達路馬天尼斯早前因左腳大腿傷患，缺席歐聯16強次回合，但上場聯賽已復出兼有入波，可惜佢返國家隊後又再覺得不適，最初打算繼續留隊，希望趕及下周三(26日)對巴西嘅賽事上陣，但檢查後發現傷勢比預期嚴重，所以提前返意大利養傷。
阿根廷目前排喺南美洲區榜首，但近期出現連串傷兵，美斯、保羅戴巴拿、盧施素等球星都因傷落選，影響領隊史卡朗尼嘅部署。
