东网电视
更多新闻短片
1/2
今晚欧国联A级联赛淘汰赛8强首回合大战，意大利主场硬撼宿敌德国。意大利一反保守传统，喺“光头佬”史巴列堤麾下主张进攻，撞正火力超强嘅“日耳曼兵团”，为抢先机势必合演入球骚，2.5球大盘咪错过。（周五凌晨3时45分开赛）
查实史巴列堤之前带领拿玻里夺得意甲冠军，都系有前冇后，佢吸取上年欧国杯失败嘅教训，冇再喺风格上摇摆不定，坚持打进攻足球，佢哋喺欧国联A2组6战获4胜1和1负，狂轰13粒，其中5场开3球或以上，只因得失球差不及法国而跌落次名出线。假如意大利过到呢关，唔单止去到4强或决赛会获主场之利，喺嚟紧世杯外可分到只得3支对手（卢森堡、北爱尔兰同斯洛伐克）嘅A组，若果畀德国淘汰，佢哋喺世杯外会被安排到有4支对手（爱沙尼亚、以色列、摩尔多瓦同挪威）嘅I组，对于之前两届无缘决赛周嘅“蓝衣军团”嚟讲，梗系A组较易踢，今场一定狂攻德国博晋级。
另边厢，德国虽然喺上年欧国杯8强止步，但自从少帅拿高斯文执教后明显重上正轨，就算却奥斯、纽亚同汤马士梅拿等老将退出国家队，依然喺欧国联A3组6战获4胜2和未输过，仲狂入18球，火力冠绝A级联赛群雄，而过程中如夏维斯、富克洛等攻击手都曾因伤缺阵，但拿高Sir总系搵到代替人选，因此今次就算冇夏维斯、科利安华迪斯，仍有穆斯亚拿、基连甸斯特等担大旗，相信对进攻影响不大。拿高Sir赛前表明想争冠，唔会做缩头乌龟，今仗实会多波入。
更多赔率：
