东网电视
更多新闻短片
卡拉费奥利膝头疑受伤。(Getty Images)
意大利周五(21日)凌晨喺欧国联8强首回合，主场1比2输畀德国，比赛尾段更有后防主将卡拉费奥利骑呢受伤，怀疑膝头重创，次回合作客德国形势危危乎。
意大利今场有好开始，9分钟就由辛度东拿利入波领先，不过德国下半场大反扑，基连甸斯特49分钟接应传中头槌追平，76分钟再由哥列斯卡接应角球顶入，2比1反败为胜。
比赛尾段出现罕见一幕，卡拉费奥利喺一次防守后退期间，自己跣脚做咗个“一字马”，左脚膝头疑似扭伤，最后要提前离场，次回合好大机会唔踢得。
意大利领队史巴列堤赛后透露：“依家唔知卡拉费奥利伤成点，佢话感觉膝头有啲奇怪，但唔知道其他情况，只可以等待军医检查。”
