東網電視
更多新聞短片
海倫入波慶祝動作引爭議。
曼聯嘅丹麥前鋒海倫今季入波唔多，不過佢嘅慶祝入波動作就勁多花款，周五(21日)歐國聯對葡萄牙入波後，喺C朗面前做出對方嘅招牌慶祝動作，而佢之前喺英超入波後嘅《帝國驕雄》式慶祝，同樣被投訴鼓吹暴力，不過英格蘭足總就開綠燈，回應唔會禁止海倫嘅慶祝。
海倫上場英超對李斯特城打破入球荒後，再次向住球迷做出「手指公向上轉向下」，再上加「割喉」動作慶祝。呢個動作係源自電影《帝國驕雄2》，入面新任羅馬皇帝Emperor Geta，喺競技場主宰其他人生死嘅動作，當中最受爭議係「割喉」舉動，被投訴係鼓吹暴力，同英足總近年積極宣傳打擊持刀暴力案件相違背。
英國《每日郵報》報道，英格蘭足總審視過海倫嘅慶祝後，決定採取「寬容」處理，唔會追罰佢之外，亦唔會禁止佢繼續做呢個慶祝，海倫嚟緊可以放心繼續入波。
