東網電視
更多新聞短片
古巴斯上場踢到41分鐘受傷退下火線。(Getty Images)
西班牙上場歐國聯8強首回合作客險驚逼和荷蘭2比2，並且損兵折將，中堅古巴斯勇戰受傷，經過檢查之後，西班牙足總正式確定呢位18歲巴塞隆拿新星因傷退隊，無法出戰下周一(24日)凌晨次回合賽事，領隊富安迪已補選拉素中堅馬里奧基拉，頂替其位置。
古巴斯上場踢到41分鐘受傷退下火線，據悉佢扭傷足踝，雖然傷勢唔嚴重，但估計無法趕及復出踢次回合，所以主帥富安迪批准佢提早返回巴塞隆拿接受治療。至於獲補選嘅24歲中堅馬里奧基拉出身於皇馬青訓系統，2022年轉投拉素，為呢支意甲球隊上陣75場，並有2球進帳。
另邊廂，荷蘭亦有後衞祖利安添巴因為生病退隊，領隊朗奴高文補選阿士東維左後衞伊恩馬特臣。
