東網電視
更多新聞短片
盧卡古喺國際賽累積88球。(Getty Images)
周一(24日)凌晨歐國聯升降班附加賽，首回合輸1比3嘅比利時，喺主場最後20分鐘連轟3球贏3比0，兩回合合計反勝4比3，得以保住A級聯賽資格。盧卡古今場梅開二度，同奇雲迪布尼兩位「黃金一代」成員繼續孭起球隊。
比利時今場瘋狂進攻，但連番攻門都逃唔過烏克蘭門將盧連，直到70分鐘由後備上陣嘅迪古柏打破僵局，5分鐘後奇雲迪布尼助攻盧卡古入波，呢位前鋒完場前4分鐘再次破網，助比利時戲劇性贏3比0，總比數反勝4比3。
今場係盧卡古第122次為比利時上陣攻入第88球，喺國際賽歷史射手榜排第6位，只落後第5位嘅馬來西亞名將達哈利(89球)1球。
