东网电视
更多新闻短片
沙真奴一家好适应中国生活。
中国喺世杯外即将迎接生死战，上轮输畀沙特后跌落榜尾，周二(25日)喺杭州迎战澳洲就非常关键。中国近年进攻力疲弱，不过早前获巴西中场沙真奴归化，今场好大机会首度为中国上阵，而佢嘅老婆同囡囡更顺道游览杭州。
效力FC北京嘅进攻中场沙真奴，早前已经完成归化手续，上场对沙特亦有做后备，但因为半场踢少个未有机会落场。根据中国赛前练习情况，主帅艾云高域可能放弃“钻石型中场”阵式，改踢双防中，由沙真奴独力担任进攻中场，旨意呢位30岁球星可以做救世主。
沙真奴喺2020年加盟中超球会长春亚泰，老婆Jasmine Soler同两个女都好适应中国生活，Jasmine周日(23日)仲喺社交网分享一家人游杭州嘅相片，两个女更换上中国传统服饰，沙真奴都留言：“一半巴西人、一半中国人”，心情似乎相当轻松。
