东网电视
更多新闻短片
世杯外亚洲区第3圈C组，中国主场迎战澳洲。
1/2
世杯外亚洲区第3圈C组，2连败嘅中国主场迎战澳洲，抢分难度极高。中国上场输波兼折将，林良铭等4位主力停赛同受伤，令原本已经薄弱嘅战斗力再打折扣。澳洲上场大胜回复霸气，球员信心高昂，今仗有力击败实力低一截嘅中国队，客胜稳阵。（港台电视31周二晚7时直播）
中国目前7战2胜排小组榜尾，不过佢哋要抢前4位置仲有希望，依家同印尼、巴林同得6分，中国最大目标就系要压倒呢两队，反而面对日本、澳洲同沙特等劲旅都“不寄厚望”，所以今届5次对住呢“3雄”球队全部输晒，5场加埋失咗16球，反映佢哋同一线球队实力嘅差距。
中国上场不敌沙特，仲有林良铭食红牌同王上源累积黄牌，要喺今场坐波监，缺少咗呢一攻一守嘅主力影响甚大，加上蒋光太和高准翼都因伤上阵成疑，主帅艾云高域仲喺度搵紧最适合中国嘅战术，今仗残阵下好可能又要转阵式，好难畀到球迷信心。
另边厢，澳洲自上年9月聘请普波域执教后，球队表现稳步上升，近5场比赛2胜3和，当中对日本同沙特两大劲旅都不落下风，上场5比1大炒印尼，控球同反击踢法都好有效率。翻查澳洲近4次对中国，拎到3胜1和佳绩，级数明显高中国一班，今场作客亦有力高奏凯歌。
更多赔率：
