東網電視
更多新聞短片
查頓辛祖為車路士上陣28場僅有2球進帳。(Getty Images)
車路士今季向曼聯借用查頓辛祖，由於成績達到要求，根據合約，車仔今夏需要以2,000萬至2,500萬鎊(約2.5億港元)收購呢位25歲英格蘭翼鋒。不過，英國《每日電訊報》爆料指車路士會方決定「毀約」，賠償500萬鎊(約5,000萬港元)畀曼聯，放棄買斷辛祖。
根據借用條款，如果車路士今季英超排14位或以上，就需要買斷查頓辛祖，車仔現時排第4位，極大機會觸發買斷條約。不過，當中亦含有「退出條款」，就係車仔賠償500萬鎊畀曼聯，就唔使簽入辛祖，呢間倫敦豪門決定賠錢了事，以免遭受更加大損失。
查頓辛祖加盟車路士初期，表現曾經有起色，但之後又打回原形，上陣28場僅有2球進帳，加上車仔鋒線人才濟濟，辛祖已經成為「冗員」，車仔的確冇需要收購佢。隨住車路士決定退貨，曼聯今夏要再次為辛祖搵新買家。
