东网电视
更多新闻短片
洛迪高高斯(左)及安迪历(右)可能离开皇马。(Getty Images)
皇马锋线人才济济，正选位置竞争激烈，2位巴西射手洛迪高高斯、安迪历为获得更多上阵时间，萌生离队念头。曼城计划今夏重金收购洛迪高高斯，至于18岁新星可能去德甲搵食。
根据《西班牙6台》爆料，洛迪高高斯嘅爸爸近期前往英国，同曼城管理层见面，讨论呢位24岁前锋入“城”可能性。曼城领队哥迪奥拿为咗重振球队，下季卷土重来，准备今夏以1.5亿欧元(约12.6亿港元)收购洛迪高高斯，薪酬亦比佢现时高，并可以畀佢踢最喜欢嘅左翼位置。
皇马左翼由云尼斯奥斯祖利亚占据，基利安麦巴比亦擅长踢呢个位置，导致洛迪高高斯只能踢右翼或者前锋，转投曼城出任左翼，有助佢发挥，的确好有吸引力。
至于上年夏天加盟皇马嘅安迪历长居后备，令呢位“新朗拿度”非常沮丧，佢曾经表示担心缺乏上阵机会，冇得入选巴西队参加明年世界杯。有传多蒙特、RB莱比锡有意借用安迪历，可能系佢拯救足球事业嘅新出路。
