東網電視
更多新聞短片
潘沛軒捧盃後相當興奮。（李浚湣攝）
1/13
受早前暴雨影響，「2024-25年度大專盃男子足球比賽」季軍及冠軍戰延至周六（29日），才在聯校運動中心上演。最終尾段一度9人迎戰的理大，憑傑志射手潘沛軒及梁僖朗各入一球，以2比1反勝城大，繼2018-19學年後再度封王。
今屆季軍及冠軍戰，原定在3月15日舉行，但受到狂風雷暴影響，季軍戰踢了72分鐘後無奈腰斬，決賽則遭取消，兩場比賽最終押後至是日才舉行。由於撞正冠忠南區對傑志的港超聯，理大開局缺少陳傲軒、馬斐和陳潤潼3名主力，未能全力出擊；惟正選仍有潘沛軒、葉卓文、李樂謙、容昊、顏翱天、吳栢希壓陣。城大方面，則有張廣然、陳浩嘉和林千裕3名港超兵擔正。
牌面較弱的城大，19分鐘卻搏到十二碼，由隊長周睿弘操刀射入，半場領先1球。易邊後理大傾力反撲，60分鐘潘沛軒近門撞入追成1比1；78分鐘更再下一成，梁僖朗接應角球頂入。反超前的理大之後更迎來好消息，陳傲軒、馬斐和陳潤潼3人在港超賽事結束後，齊由香港仔運動場趕到現場，並先後入替。
不過兩隊隨後爆發衝突，理大先有入球功臣梁僖朗因打架罰紅牌，陳潤潼、葉卓文亦領黃；臨完場前「阿潼」再因踢走皮球，兩黃一紅被趕出場。不過踢多兩人的城大之後圍攻不果，最終理大維持贏2比1，成功捧走冠軍。值得一提，理大在今年男、女子的大專盃同樣稱霸。
至於頭場季軍戰，直接由72分鐘重開比賽，連同補時僅踢了24分鐘便完場，最終兩隊同樣未有增添入球，香港浸會大學維持贏香港大學2比1，順利贏得季軍。
傑志射手潘沛軒今場獲傑志放人出戰大專盃，更成功攻入一球，賽後他盼藉今次機會好好證明自己：「始終最近喺超聯都少出場，或者好耐冇入過波，希望依球可以提升信心。同埋自己亦都想透過今場波，向（傑志）教練證明自己仲係得嘅，可以擺到個波入網！」此外，正就讀英文及應用語言學課程Year 1的「潘沛」，又透露到自己的讀書近況：「讀得幾開心，成績都好，至少合格嘅。」
至於效力冠忠南區的理大後衞陳潤潼，賽後即由香港仔運動場趕來，他笑言相當匆忙：「一完場即刻走，好彩屋企人有揸車，喺車嗰陣球隊仲輸緊1球，好彩嚟到已經反超前，嗰陣就定好多。」不過「阿潼」入替不足10分鐘，卻因兩黃一紅被罰離場，他承認當刻有點情緒失控：「啱啱聯賽輸波，可能有啲情緒帶咗過嚟，咁啱又發生咗衝突，就失去咗少少理智，嗰下攞完紅牌都好驚，多謝一班隊友最後頂住。」
城大最終輸波，但為球隊先開記錄的隊長周睿弘，坦言已經盡了全力：「上半場我哋踢得好好，但下半場唔留心畀對方追平後，大家信心、集中力跌咗，臨尾又輸多個角球。點都有啲失望，但唔緊要，唯有下年再嚟過，始終對面人腳真係強啲。」
城大張廣然（藍衫）力抗理大前鋒潘沛軒。（李浚湣攝）
葉卓文（左）今場擔正於後防相當穩建。（李浚湣攝）
陳潤潼（左）後備入替但兩黃一紅離場。（李浚湣攝）
馬斐捧盃後與女友「隔空」合照。（李浚湣攝）
潘沛軒（紅衫）與城大後衞炒埋一碟。（李浚湣攝）
傑志孖寶陳傲軒、馬斐，連同南區後衞陳潤潼，下半場尾段才趕到。（李浚湣攝）
3名傑志兵馬斐、潘沛軒和陳傲軒（由左至右）捧盃後合照。（李浚湣攝）
浸大（白衫）季軍戰贏港大2比1。（李浚湣攝）
潘沛軒（左）推過城大隊長周睿弘。（李浚湣攝）
東方小將林千裕（藍衫）奮力防守。（李浚湣攝）
理大繼2018/19學年後再度捧走大專盃。 （李浚湣攝）
正在養傷的北區中場何振廷，亦有現身撐港大師弟。（李浚湣攝）
