東網電視
更多新聞短片
拿達路馬天尼斯已證明頂級前鋒實力。(Getty Images)
阿仙奴聘請前馬德里體育會貝達加盟後，立即為夏天組軍做準備，收購一名星級前鋒係首要任務，近日盛傳士砵亭前鋒約基利斯係頭號目標，不過消息指貝達同時亦聯絡其他前鋒，等夏天「有得揀」，而國際米蘭前鋒拿達路馬天尼斯就係其中之一。
據《Football Insider》報道，拿達路馬天尼斯係意大利籍總監貝達心水前鋒，呢位27歲球星係世界盃冠軍成員，對上3季喺意甲入波都超過20球，係阿仙奴所缺乏嘅「高產」射手。據報阿仙奴近期同多位前鋒接觸，包括士砵亭嘅約基利斯、RB萊比錫嘅施斯高等，不過比起未喺大球會效力過嘅兩人，拿達路馬天尼斯嘅「即戰力」更有保證。
當然，國際米蘭亦唔會輕易放人，報道指要打動該意甲勁旅進行談判，至少要開出1億歐元轉會費。阿仙奴目前仍未鎖定收購人選，依家就「漁翁撒網」式進行轉會前期工作，有助落實人選後全部斟介。
