東網電視
更多新聞短片
比赫加被譽為「全能足球」大師。(Getty Images)
皇家馬德里周四(10日)證實，被視為「全能足球」大師嘅荷蘭名帥比赫加離世，享年82歲。比赫加嘅執教生涯橫跨半世紀，曾帶領皇馬實現西甲3連冠，荷蘭領隊朗奴高文亦向佢致哀。
皇馬聲明表示：「皇馬上下對比赫加離世非常傷心，呢位傳奇教練喺1986至1989年、以及1992年執教皇馬，我哋向佢嘅家人、效力過嘅球會同佢所愛嘅人致深切慰問。」
比赫加喺1965年初執教鞭，最後一份教職係2007年喺飛燕諾，之後出任多間球會嘅技術總監。比赫加曾教過阿積士、皇家馬德里等勁旅，亦教過荷蘭、沙特、千里達、波蘭等國家隊。
比赫加推崇全能足球，同米高斯、告魯夫等名帥齊名，荷蘭領隊朗奴高文亦喺社交網致哀：「荷蘭足球嘅重大損失，佢嘅熱誠同視野係無與倫比，當年係佢請我做阿積士教練，我衷心感激佢。」
