東網電視
更多新聞短片
甸恩胡積臣潛力無限。(Getty Images)
英超球隊般尼茅夫近期成績麻麻，不過19歲天才中堅甸恩胡積臣就人氣暴升，上月入選西班牙國家隊成為大國腳，近期更獲歐洲8間豪門垂青，據報5支英超勁旅已經同佢經理人接觸，成為最Hit搶手貨！
甸恩胡積臣有1米97身高，但腳法同傳射技術俱佳，被譽為新世代最有前途中堅。《The Athletic》日前報道，利物浦、阿仙奴、紐卡素、熱刺同車路士已同甸恩胡積臣經理人接觸，而皇家馬德里、祖雲達斯同拜仁慕尼黑亦準備出手，消息指佢合約內有5,000萬鎊買斷條款。
甸恩胡積臣曾經表示，佢嘅偶像係皇家馬德里傳奇沙治奧拉莫斯，令皇馬嘅斟介可能佔一定優勢，不過般尼茅夫主帥伊拉奧拿就表示：「我唯一關心嘅係胡積臣能唔能夠保持專注，我見佢操練得好好，佢知道球隊仲有7場重要賽事，外界嘅傳聞對佢冇任何影響。」
