台灣性感女神舒淇與內地男星陳坤向來都以兄妹相稱，不過佢兩個嘅外形真係襯到絕，雖然現實中唔係情侶，不過大家都好鍾意睇佢哋嘅幕前CP Feel，就好似近日佢兩個齊齊去到內地一個品牌活動，兩個人行行企企之際，被大會攝影師影低佢哋對視一幕，竟然影出電影劇照嘅戲劇張力！<br/><br/><br/><br/><br/>二人同樣着上深色禮服示人，舒淇就以Low Cut貼身長裙展示嫵媚一面，加上全身上下珠光寶氣都令人眼前一亮，而陳坤就西裝骨骨，似足風度翩翩嘅氣質王子一樣，點知佢兩個喺活動上求其企埋一邊吹水，呢一幕就被攝影師影低，出嚟嘅傑作竟然似足電影劇照，唔只又襯又有Feel，佢哋仲故意Chok住傾偈，一輯相睇到網友暈咁滯，果然厲害。<br/><br/><br/>