台灣女星賈靜雯同前夫孫志浩育有女兒梧桐妹（Angel），直到15歲，Angel樣貌先真正曝光，佢同媽咪一樣，都有一對迷人電眼。今年17歲嘅佢，近日就喺社交網同大家打招呼「嗨嗨」，更分享自拍照，見佢由青澀嘅小朋友變身成青春少艾。<br/><br/>相中Angel着住灰色貼身上衣以及牛仔短褲，大露蛇腰兼長腿。另一張相，佢就大晒豐滿上圍，對住手機鏡頭伸脷，靚女又迷人！唔少網民見相後都大讚佢女大十八變，愈嚟愈靚女，就連繼父修杰楷都搞笑留言話：「舌頭還好嗎？」其實之前有媒體都有問過Angel有冇諗過入娛樂圈，但媽咪賈靜雯就透露佢仲未準備好，目前都係學業為重。<br/><br/><br/><br/><br/>