女团COLLAR成员陈泳伽（Winka）近期单飞出歌，她指新歌讲爱情，令自己有所反思，更自爆已跟拍拖6年的圈外男友分手，不过二人仍然是朋友，而男方亦继续出任歌迷会会长一职。分手原因是彼此步伐有偏差，既然已愈行愈远，倒不如乾脆分手，脱离“相对无言”的痛苦！<br/><br/><br/>Winka日前在社交网转发了一篇以“我要这个城市的人都喜欢听我唱的歌”为题的散文，并写上：“在山顶，我许下了很多个人生目标和愿望。”有消息指散文中的男女主角就是Winka和前度。有网友私讯批评她的行为是消费前度，以及他们之间的爱情故事：“唔知你公开share呢一个贴文出嚟畀全部人知道你同会长嘅故事系为咗啲咩，相信今日好多人都睇咗你嘅访问，无论本身系你嘅fans定其他路人，咁都知道咗会长系你个ex。你哋都话晒一齐咗咁多年啦，你都应该feel到佢有几唔舍得，甚至乎仲好在乎你、好爱你。点解你可以咁残忍仲喺度消费佢，消费你哋之间嘅爱情故事？你有好多情绪、好多说话、好多嘢想同全部人分享，但好似唔系咁样去利用人，令你嘅故事更加丰富。”<br/><br/><br/>Winka认为关乎到个人的人格问题，选择回应该名网民的指控。她表示：“经常觉得解释系一件感觉好笨拙嘅事，但就系想讲一讲，因为关乎到一个人嘅人格层面，而介意嘅我，唔想装作不介意！本身系自己嘅故事，但分享就变成消费！被形容到只有消费，实在有啲难以接受。大家并唔系对感情儿戏嘅人，就算喺访问入面有提及前度，唔代表唔重视。会长系前度其实一早已经系公开的秘密，我哋嘅分开，大部分人都知道，其实冇需要隐瞒大家。而我哋分开嘅内容亦都冇被我完全公开，因为的确亦都要留返一啲空间，去保护彼此之间！喺记者传媒问到的情况下，我就我可以回答嘅就如实作答。6年嘅感情入面，冇人会觉得唔可惜。Share呢个post系因为呢段说话喺我心中系好美好嘅回忆，系一个我觉得好关键，对我嚟讲系有好大力量嘅事。先放下嘅人，唔代表会唔舍得同难过。但感情并唔系咁简单就可以完全被解释。一段感情嘅结束同处理，亦都冇一个最佳答案。只有大家点样相互共识去保持点样嘅距离，会系大家最舒服！喺你角度，如果你嘅前度咁样做，你会觉得被不尊重？但你唔系我嘅前度，而你所知道同了解嘅，其实并不多，批评可以好简单，友善嘅建议会比较但会更加好，希望下次你可以从建议嘅角度出发。”