內地女星倪妮憑住一副「高級臉」,加上天生衣架子身材,每次造型都完美駕馭,被封為「時尚女王」。近日佢擔任護膚品牌代言人,並拍攝新一輯代言靚相,其工作室於社交網公開幕後花絮照,見倪妮當日先後換足4個造型,包括黑白露肩連身裙、全白中性西裝、黑色斜肩晚裝裙以及粉紅千層蓬蓬紗裙,集型格、率性、高貴於一身,相當百變,當中就以蓬蓬紗裙最為驚艷,見佢躺於紗裙之中,只露出迷人鎖骨及香肩,再喺裙身透視皺褶半遮半掩下若隱若現晒出事業線,而傘裙狀嘅裙擺望落似足荷花一樣,即時爆發仙氣,獲網民大讚係「花仙子」!<br/><br/><br/><br/><br/><br/><br/><br/><br/>