荷蘭名牌阿積士周四(7日)宣布，球會同17歲中場達米安雲達華治簽約1年，呢位新星嘅爸爸，正正曾經踢過阿積士、皇家馬德里同熱刺嘅名將雲達華治囝囝，今次轉會係「父子傳承」。<br/><br/>40歲嘅雲達華治喺5年前退休，之後擔任丹麥球會艾斯堡教練，囝囝達米安亦喺艾斯堡青年軍效力。雲達華治今年初解約離隊，17歲嘅達米安亦決家重返荷蘭，今次加盟阿積士係佢第1份職業合約，今季會先跟阿積士U18比賽。達米安簽約阿積士1年，發布會入面雲達華治同家人亦有出席。<br/><br/>雲達華治係阿積士青訓出身，2000年至2005年間為呢支荷蘭勁旅贏過2次荷甲冠軍，之後轉戰漢堡、皇家馬德里、熱刺、貝迪斯同米迪蘭特，同時為荷蘭國家隊上陣109場，包括2010年世盃拎到亞軍。