俄超球队莫斯科中央陆军正式签入自由身嘅前巴塞隆拿中场比真历，双方签约1年，佢将会着15号球衣。呢位34岁波斯尼亚国脚2年前曾因不满俄罗斯入侵乌克兰，拒绝为国家队出战热身赛对俄罗斯，估唔到现时“打倒昨日的我”，去俄超搵食。<br/><br/>比真历曾经效力里昂、罗马、祖云达斯、巴塞隆拿等大球会，4年前由祖记转投巴塞，当时转会费高达6,000万欧元(约5.2亿港元)，但表现令人失望，仅1季就被外借去比锡达斯，2年前转投阿联酋球队沙迦，今夏离队后，一直冇班落，最终向现实低头，加盟“敌人”莫斯科中央陆军，被网民嘲讽做人冇原则，冇骨气。<br/><br/>比真历今次仅签1年约，如果交唔出表现，恐怕下季连俄超都冇得踢。