士砵亭今個星期歐聯大戰曼城，除咗即將執教曼聯嘅魯賓艾摩廉係焦點，士砵亭總監維亞拿亦要「倒戈」。據報呢位曼城未來總監，已經提前為「藍月亮」開工，而且佢本來希望帶艾摩廉去曼城，不過哥迪奧拿有意教多曼城1季，造就艾摩廉過檔曼聯。<br/><br/>曼城現任總監碧格列斯坦早前宣布季尾離隊，球會已火速敲定維亞拿接任，哥迪奧拿日前被問到有冇同維亞拿聯繫，佢就踢爆維亞拿已經同曼城安排緊未來工作：「我仲未同佢聯繫，但我知道佢一直同曼城有直接聯絡。」<br/><br/>葡萄牙媒體《O Jogo》報道，維亞拿原本屬意艾摩廉下季加盟，接替約滿嘅哥迪奧拿做領隊，不過哥帥屬意再教多曼城1季，而艾摩廉唔希望等到2026年先去英超，所以最終決定接受曼聯