【爭入騎師賽】各騎5駒 豐豐 Vs 十三少

早前公布咗今屆國際騎師錦標賽嘅獲邀參賽騎師名單，雲集世界各地高手。至於香港代表方面，本來有三個席位，給予截至周三賽後在騎師龍虎榜排名最前的兩位騎師和一位華將。但因榜首的潘頓是上屆浪琴表國際騎師錦標賽的總冠軍，自動入選，因此代表資格褪了給居於二、三位的騎師。現居次席的田泰安，也穩得一張入場券。華將居首的何澤堯亦佔一席，但因他本身坐在騎師龍虎榜的第三把交椅，以致排名第四的騎師也得以參與盛事。<br/><br/>目前領先嘅係季內累積14W，早排先升格做大師傅嘅潘明輝，但佢目前仍要停賽，形勢非常被動，反而跟隨其後嘅韋達同埋史卓豐各自取得13場頭馬，只要佢哋兩個喺周三有馬贏，由於亞軍數目較多，就能取代潘明輝，攞到最後一個參賽席位，所以肯定爭崩頭。<br/><br/>睇番今次出賽馬陣容，韋達同史卓豐都係騎五駒上陣，均有機會反先，其中豐豐坐騎包括新勝馬「龍騰摘星」，而十三少則有上次塞車嘅「合拍威龍」同埋剛戰跑第二嘅「旅英公爵」，各自有牌面馬喺手。值得一提，由於目前十三少亞軍數目多啲，如果各贏1W，十三少就會佔先。