【懷念簡小妹】廿年前今日 香港馬壇最傷感的一天

講咗幾位女騎師，其實廿年前嘅今日，對唔少資深馬迷嚟講，應該係香港馬圈最傷感嘅一天。1999年3月21號，出道後深受馬迷愛戴嘅女騎師簡慧榆，於當日第三場賽事策騎黃汝安馬房的「漢廷之寶」，怎料途中此駒失蹄跌倒並將簡慧榆拋下，她被隨後馬匹踩中重傷，送院搶救兩個多小時後傷重不治，終年僅20歲，令人非常惋惜。

人稱「簡小妹」嘅簡慧榆，1997年正式出道，跟隨前冠軍練馬師簡炳墀學藝，1998年2月1日憑簡廐「夠威先生」取得首場頭馬，同年5月30號憑「同興旺」贏出個人首項分級賽皇太后盃。簡慧榆不足兩季已取得16場頭馬，騎功不斷進步成績亦愈來愈好，可惜廿年前今日嘅一次意外，帶走了簡小妹。匆匆廿載，相信馬迷對簡慧榆嘅思念，肯定唔會變改。