【超突然】呢隻經常熱倒 但大家冇機會追數了！

挾法國打吡第五名來港嘅德國自購馬「包裝才子」，經常成為熱門，但就次次跑四四五五名害捧場客損手，元旦日佢又成為3.7倍大熱爭尾場千四，但最終「包裝才子」衝衝吓又停，不敵彭國年「快益善」得第五，不過今日傳來消息，呢匹老牌藍白綵衣馬突然以處女身份宣布退役，各位想追數都冇可能了，但呢匹東廐馬今朝仲喺從化操緊，真係諗唔明咩事。