兜兜轉轉 今次終於「劍」指強項

告東尼元旦日一手重兵，雖然佢同雷神合作係焦點所在，不過有啲未交代嘅馬，千祈唔可以睇少佢，就好似呢期兩匹王牌馬，「電路一號」屢敗屢戰，名氣ISG固然積極尋求在港首勝，另一匹「飛天劍」，今季不進返退嘅表現，都難免有啲令人失望，雖然話呢場再用無乜太多交收嘅賀銘年，但係兜兜轉轉，大哥終於響呢場施展殺着。<br/><br/>以「飛天劍」甫開季首仗即於谷草1650米跑第二，表現唔錯，原以為好快可以補中敲響新勝鼓，豈料跑落不似預期，連跑4場都係落敗收場，其實以呢匹馬上季加盟後嘅表現，響田草三戰俱上名，當中1400米一贏一位可以講係強項所在，但大哥大今季就偏偏無畀佢跑田草。<br/><br/>既然谷草愈跑愈差，重歸現實，終於安排「飛天劍」今次重返勝途，既然上場賀銘年響谷草一哩發揮都唔錯，再度重用此配搭，人馬都係求表現時候，今戰寶劍出鞘，可謂殺氣騰騰。