東網電視
更多新聞短片
「駿龍駒」轉倉後操足而臨，係薛恩叫胡馬。
1/2
大衛希斯馬房明日第7場件「包裝太保」擺擂台，就算上仗走勢仍稚嫩，以贏馬姿態來看，在三班作賽依然無阻力，賠率肯定熱到辣手，有了呢匹變倍器，點都要搵多隻W拿乘上去先夠和味，環觀同日上陣廐侶，以第9場的「駿龍駒」機會最為看好。
「駿龍駒」上手在羅富全馬房訓練時演出雖然穩定，7戰得1亞4季，但係始終交代唔到，今季轉由希斯接手後慢慢做工夫，上從化兩個月refresh過隻馬，到11月初返沙田開始正式投入操練，薛恩過檔亦珍而重之，無論踱步、快跳或試大閘皆親力親為，邇來操了三十幾課，騎者放了成擔心機落去，十足十隻「人和家興」同一case，今鋪操足上陣唔搏就假。
元旦賽事可以再見到希斯呢個招牌笑容。
