神蘇以為坐冷板 點知變咗有胡叫

頭場第四班1200米賽事，蘇保羅馬房件「對衡之星」退出，由希斯馬房匹「麒麟」補上，大家真係要留意住，此駒由季初開操到現在，上從化亦訓練多時，試兩次草閘有唔錯走勢，到12月中返回沙田，再由潘頓接手在上周二試泥閘，按韁之下跑第二名過終點，走勢已引人注目，有如箭在弦之感。<br/><br/>不過報名時係後備身份，潘一哥又點會搏佢一定補得出，遂接受丁廐「活力長勝」之聘約，如今突然補出上陣仲搵來蘇銘倫主轡，睇番隔夜賠率亦有飛，隨時係真命天子。