【形勢唔就】包裝系兩隻⑭檔點克服?

「包裝」一族向來都係星味十足，今期元旦日賽事，名下「包裝太保」同埋「包裝永旺」兩匹馬同日出擊，相信幕後李氏一族，都係想頭威頭勢，攞個好意頭。<br/><br/>兩匹馬唔同倉口，潘頓繼續騎「包裝太保」當然係攬住唔放，而隸屬告東尼旗下「包裝永旺」，由波健士換到蘇銘倫，當然梗係想補番上次臨門被擒嘅慘通經歷，兩隻明星馬搵到一等一高手，出擊安排夠晒誠意，無奈兩駒竟然咁啱，一齊抽排14檔，睇嚟真係要考考兩位高手留放搭夠。<br/><br/>尚幸兩匹「包裝」系在港出賽以來，各有排外檔經驗，對於上場排10檔即食嘅「包裝太保」，希斯就認為呢匹馬響澳洲以至香港贏馬，都係留前鬥後，所以今次佢認為以潘頓嘅刁鑽走位，有望搵番個靚位取得遮擋，況且佢對呢匹馬嘅潛力都睇得幾高，相信檔位唔會有太大難題。<br/><br/>至於「包裝永旺」，法國PP響來港前由蘇銘倫贏過，今次再度重逢，幕後呢個悉心安排，睇吓神蘇可否排除阻力，為佢哋帶來異地頭馬。