離港後發展順利 郭能贏今季巴林冠軍騎師！

郭能上季尾煞科後返回英國繼續策騎事業，去年英國平地賽季結束後，郭能前往巴林展開短期客串，最後更勝出巴林冠軍騎師，成績優秀！

郭能喺今次客串期主要為巴林大馬主AlMohamediya Racing策騎，去年10月至今年4月初，騎者出戰83次，共贏得28W，最後成為巴林冠軍騎師。

郭能喺社交平台出Post表示，感謝AlMohamediya Racing支持，自己亦好享受為佢哋效力，霍利時、葉楚航、李寶利等都有留言讚好。

郭能亦提起其中一場重要頭馬，就係喺3月11日策騎Zagato贏出1場1400米表列賽，騎者表示Zagato係一匹不斷進步嘅賽駒，陣上競賽時放鬆易於操控，而且加速力強勁，呢場賽事步速亦啱佢發揮，好高興可以策騎良駒贏到呢項賽事。

至於郭能現時已返回英國策騎，平地賽季開始後，郭能與練馬師布銘球(Marco Botti)加強合作，已贏得3W成績，繼續保持強勢。