東網電視
更多新聞短片
「寶貝兒」馬主李澄曜同蘇偉賢老友鬼鬼。
「寶貝兒」馬主李澄曜一向都支持蘇偉賢，早前更將質新子彈「仁仁之寶」交由練者訓練，剛戰沙田賽事亦已贏馬交代。至於「寶貝兒」，今期將會出戰第7場四班1200米賽事，由蔡明紹首次接手。
「寶貝兒」對上1場頭馬係喺去年3月21日取得，當日更加係李澄曜同太太結婚周年紀念，能夠贏馬當然錦上添花。而蘇偉賢剛戰亦以「仁仁之寶」補送結婚周年賀禮畀李生，不過送禮一向唔怕多，若然「寶貝兒」今仗可打開季內勝門，相信馬主夫婦就更開心！
「寶貝兒」剛季取得季內3W成績，分別由郭能、蘇銘倫、巴度建功，表現大勇，而巴度贏馬一仗，更加係喺四班1200米田草賽事贏馬，證明有四班能力。今季「寶貝兒」雖然未贏，但最近喺跑馬地走勢一再接近，上仗喺田泰安胯下雖然只跑第7名落敗而回，但其實與頭馬「萬眾力得」距離都只係兩個半身位，而「萬眾力得」喺三班泥地打疊再贏了。
「寶貝兒」向來跑法被動，早段包尾喺谷草賽事有啲蝕章，但喺A欄出戰都唔係冇得追，形勢造就的話，有權一攻而破。
