【騎二代】薛兆恆草地試閘初體驗

需知前華籍騎師，目前在呂廐擔任副練的薛順強，其長子薛兆恆(Issac)兩年前亦開始受聘於馬會，並成為見習學員，前季已長駐從化，不時幫馬匹試泥閘。到了上季初，Issac獲奉召重返沙田馬場工作，兩父子得以團聚，今季開操至今，Issac每朝都幫呂廐馬操練，不論內圈踱步、大圈快跳及1800米草地快試，全部都有佢份，累積了不少經驗值。

到了今早，沙田馬場舉行首次草地試閘，並有3位見習學員參與，分別係黎彥麟、方俊焺、謝佳軒，同埋「騎二代」Issac，後者為首度策馬進行此項操練，又一次成就解鎖，並替第5組「純金酒杯」及第6組的「尊才」出試，縱使有潘頓、蘇兆輝、何澤堯等高手，惟Issac初生之犢不畏虎，亦憑「尊才」勝出該組1000米草閘，總算有個美好開始，相信父親薛順強也感到欣慰。