【投注見解】旺人鍾易禮贏出信心

華將何澤堯今戰復出備受注目，畢竟是現役贏馬累積最多本地騎師，今戰得到方嘉柏大力支持，鬥志不用懷疑。講到華將，現時成績最好是鍾易禮，有16場頭馬，比師兄何澤堯的8W多1倍，不過成績再好也未可代表香港參加下月舉行的騎師賽，因為見習生不符合出戰條件。

由於騎功有顯著進步，鍾易禮得到上陣機會相應增多，尤其騎前領馬特別出色，今戰第2場的「人和家興」換人上陣可睇高一線。

「人和家興」年紀漸長，貫注力不及從前，以往可一啖氣放返，如今反而要早段留少少力再爆一段，前仗在梁家俊胯下掄元正是如此，今仗有伍廐「運來勇士」及「令才」在陣不愁沒有步速，「人和家興」形勢靚兼配人氣王鍾易禮減磅，機會突出。

■梓忠