東網電視
更多新聞短片
「喜蓮勇感」季內兩捷，作戰狀態勇銳。
今次兩場高班賽都有一定睇頭，G3百週年紀念銀瓶出馬滿額兼係讓磅當然緊湊，而4歲馬系列賽開打同樣令人期待，畢竟在未來數年，接棒的很可能就係同場分子。論評分及贏馬姿態，掛頭牌1號的「驕陽明駒」當然係相當吸引，上仗新勝同程拋開對手，再配手風大順的布文，被熱捧可謂合情合理。不過，同場對手又是否一定捱打呢？這又未必，畢竟大家都係4歲處升軌之中，只要進度理想，隨時可以追到評分的差距。
「喜蓮勇感」上季取得2W3P，今季由82分起步，贏完一場至88分後，已幾乎篤定可以跑4歲馬系列賽，因此在部署上毋須刻意搶分，可按部就班出擊。雖然話「喜蓮勇感」的成績大多係從谷草累積，但此駒上季尾兩度出戰田草1600米亦得1冠1亞，而跑第2該仗只以短頭位飲恨不敵當時大勇特勇的「晴王」，亦算是上佳賽績了。
而更重要的，係今次同場快馬不多，相信步速不會快，而向來跟守好位競逐的「喜蓮勇感」，估計可以佔到步速形勢之利，潘頓在港贏盡大賽獨欠此賽，且看今次能否一圓宿願了。
■長風
