東網電視
更多新聞短片
班德禮最近兩次賽事都有進帳。
1/2
英國好手班德禮呢輪手風唔錯，上周三谷戰憑「十八掌」、「錶壇精英」梅開二度，兼且連續兩次賽事有進帳，嚟緊聽日大年初三賀歲戰，佢梗係想乘勝追擊，繼續攞到好成績。而喺佢5匹坐騎中，餐士最好自然係第4場四班田草1200米嘅「時間寶」，事關上仗先喺同程由佢打開勝門，今次原班人馬再臨，當然係焦點。
不過，「時間寶」今場除咗要孭135磅，更抽不利嘅13檔起步，班德禮早前接受訪問時都提到，呢個檔位真係難言理想，但佢都提到其實上仗贏馬嘅檔位都唔係特別好，嗰場決定畀隻馬放頭走，效果唔錯，最終一放到底，充分證明能力，今次13檔形勢係差，但有上仗經驗，只要繼續用返主動跑法，喺四班仲有唔錯競爭力，佢定必全力為馬兒再下一城。
「時間寶」剛戰於四班田草1200米打開勝門。
